O Día Internacional das Persoas de Idade (International Day of Older Persons) celébrase todos os anos o 1 de Outubro. Ten por obxecto recoñecer a contribución dos adultos maiores ó desenvolvemento humano e económico, así como destacar as oportunidades e os retos asociados ó envellecemento demográfico mundial. Así, hoxe en Galicia unha de cada catro persoas é maior de 65 anos.

Nesta data alentase ós gobernos, ás organizacións non gubernamentais e á sociedade civil a que celebren esta xornada con declaracións dos xefes de Estado ou de organizacións, anuncios nos medios de comunicación, foros e actividades interxeneracionais.

Segundo as Nacións Unidas, “as persoas de idade deberán permanecer integradas na sociedade, participar activamente na formulación e na aplicación das políticas que afecten directamente ó seu benestar e poder compartir os seus coñecementos e habilidades cas xeracións máis novas” (declaración da Asemblea Xeral das Nacións Unidas, 16 decembro 1991, resolución 46/91).

Entre os desexos expresados e a realidade cotiá dos maiores hai unha fenda moi grande non só no seu dereito de percibir unhas pensións dignas senón tamén no acceso a dereitos, bens e servizos de primeira necesidade.

O Día Internacional das Persoas Maiores érguese así como unha oportunidade de visibilizar a un grupo de poboación que, como persoas, teñen dereitos básicos que todos deberíamos defender por obvias razóns de cohesión social, que os políticos esquecen máis do debido.

A formación tecnolóxica práctica é cada día máis necesaria e urxente para todas as persoas. As tecnoloxías da información e da comunicación non son unha fórmula máxica, pero poden mellorar a vida e a empregabilidade, pois son a porta de entrada ó novo mercado laboral e á nova sociedade na que vivimos.

O dominio básico destas tecnoloxías é preciso para posibilitar un uso persoal, profesional ou de negocios da rede Internet. Daí que sexa fundamental mellorar os coñecementos das ferramentas básicas: ordenador, tablet ou móbil, aparellos que xa forman parte do noso día a día.
É necesario saber buscar en Internet e mesmo ter os coñecementos para facer un blog ou unha páxina web, da mesma maneira que saber manexar o móbil como un experto e non andar a cegas.

A plataforma Maiores en Rede ten activados na actualidade tres cursos de formación dedicados a alfabetizar en competencias dixitais:

1. Aprende a manexar as novas tecnoloxías. Básico de alfabetización dixital de 30 horas, con prácticas de ordenador, programas, buscas, navegación activa, crear alertas, correo electrónico, etc.
2. Fai o teu plan de comunicación na Rede. Internet, blogs, páxinas web, redes sociais e Plan Social Media (PSM), curso de 20 horas para ter voz propia no ciberespacio.
3. Aprende a manexar o teu móbil como un experto. Cas aplicación (apps) temos o mundo nas nosas mans.

As institucións públicas e corporacións poden (e deben) contribuír de maneira importante a esta necesaria alfabetización dixital. Para que todas as persoas dispoñan canto antes  destes coñecementos básicos para mellorar as súas vidas e as súas opción de futuro.